20000 ဝန်းကျင်သာ ကျသင့်မဲ့ Fitness Band ကို မိတ်ဆက်လိုက်တဲ့ Redmi

Xiaomi ကနေ Brand သပ်သပ်တစ်ခုလို ဖြစ်လာတဲ့ Redmi အနေနဲ့ ဖုန်းတွေသာမက routers တွေ၊ IoT Devices တွေနဲ့ Home Appliances တွေကို စတင်ထုတ်လုပ်နေတာဖြစ်ပါတယ်။ အခုအခါမှာတော့ Redmi အနေနဲ့ Fitness Band တစ်ခုကို စတင်မိတ်ဆက်လိုက်ပြီဖြစ်ပါတယ်။

Redmi ရဲ့ Fitness Band က Xiaomi Mi Band တွေနဲ့ ဒီဇိုင်းပိုင်းကွဲပြားပြီး Huawei/Honor, realme Band တွေနဲ့ နည်းနည်းဆင်တူပါတယ်။ 1.08 လက်မ လေးထောင့်ပုံ color display ကို အသုံးပြုထားပြီး Direct USB charging ပြုလုပ်နိုင်ပါတယ်။

Redmi ရဲ့ အဆိုအရ အားအပြည့်သွင်းထားရင် ၁၄ ရက် အသုံးခံမယ်လို့သိရပါတယ်။ Battery Life ကတော့ သဘောကျစရာကောင်းပါတယ်။ Tracking လုပ်ဖို့ sports modes ၅ ခု အထိပါဝင်ပြီး နှလုံးခုန်နှုန်းတိုင်းတာပေးမဲ့ Heart Rate Sensor လဲ ပါဝင်ပါသေးတယ်။ အိပ်ချိန်တွေကို monitor လုပ်ပေးနိုင်မဲ့ sleep monitoring support လဲ ပါဝင်ပါတယ်။

Mi Band 4 နဲ့ အဓိက ကွာခြားသွားတာကတော့ NFC မပါဝင်တာဖြစ်ပြီး Tracker ရဲ့ အရောင်က အနက်ရောင် ဖြစ်ပါတယ်။ ကြိုးအရောင်တွေကိုတော့ orange, olive green, blue နဲ့ black ဆိုတဲ့ အရောင်လေးရောင် ရွေးချယ်နိုင်မှာဖြစ်ပြီး ရောင်းချမဲ့ဈေးနှုန်းကတော့ 14$, မြန်မာငွေ ၂ သောင်းဝန်းကျင် ကျသင့်မှာဖြစ်ပါတယ်။ China မှာ Apr 9 ရက်နေ့ စတင်ရောင်းချမှာ ဖြစ်ပါတယ်။

Source: Gizmochina

ShineHtetAung

I'm just a mariner and a nerdy tech guy who got a deep passion of tech. I've been a tech writer for almost six years and I founded this website. My only mission is to provide all about tech in all aspects of technology fields.

Leave a Reply

Your email address will not be published. Required fields are marked *